Wia dis foto come from, Getty Images
Euro 2024 group stage don end, so now we know di 16 teams wey qualify for di knockout stage.
Di top two teams for all six groups qualify automatically, followed by di four best third-placed teams.
Afta two rest days, di last-16 games go start on Saturday wit matches every day until Tuesday.
See di fixtures to look out for and who make am for each group.
Round of 16 Euro 2024 fixtures
Saturday, 29 June
- Switzerland v Italy - (17:00 WAT)
- Germany v Denmark - (20:00 WAT)
Skip Recommended articles and continue reading
Recommended articles
Finidi George confam resignation as Super Eagles coach
Groups, full fixtures and favourites to win Euro 2024
Portugal sama Turkey 0-3 to move ahead for dia Euro 2024 campaign
Belgium use goal difference escape removal from Euro 2024
End of Recommended articles
Sunday, 30 June
- England v Slovakia - (17:00 WAT)
- Spain v Georgia - (20:00 WAT)
Monday, 1 July
- France v Belgium - (17:00 WAT)
- Portugal v Slovenia - (20:00 WAT)
Tuesday, 2 July
- Romania v Netherlands - (17:00 WAT)
- Austria v Turkey - (20:00 WAT)
Group A - Germany and Switzerland qualify
Wia dis foto come from, Getty Images
Groups, full fixtures and favourites to win Euro 2024
Scotland don comot for Euro 2024 afta dem finish for bottom of Group A sake of di last-minute winner by Hungary for dia final group-stage match.
Germany top di group, while Switzerland progress to di knockouts for second position.
Hungary finish on three points but fail to progress as one of di best third-placed teams.
Group B - Spain and Italy qualify for last 16
Wia dis foto come from, Getty Images
Spain qualify for di last 16 as group winners wit one game to spare.
Italy follow dem for back as di second team sake of Mattia Zaccagni injury-time equaliser against Croatia.
Croatia dey for third position wit just two points.
Group C - England qualify as group winners despite dia draw
Wia dis foto come from, Getty Images
England qualify for di last 16 as group winners even though dem fail to beat Slovenia for dia final group game.
Di Three Lions win Group C despite dia 0-0 draw on Tuesday, as Serbia and Denmark game end goalless too.
Denmark finish second and qualify automatically while Slovenia carry third and qualify too as one of di best third-place teams.
Di Danes and Slovenians bin finish level on points, goal difference and goals scored - but Denmark go through becos Slovenia collect yellow card pass dem (7-6).
Serbia no make am sake of dem finish bottom of Group C.
Group D - Austria, France and Netherlands qualify
Austria overtake France and di Netherlands to top Group D wit dia 3-2 victory ova di Dutch for dia final group game.
Dem go play di Group F runner-up for di last 16, while France go jam di runner-up for Group E.
Di Netherlands qualify as one of di best third-placed teams.
Poland bin don already comot bifor Tuesday fixtures, na dem be di first team to chop elimination from di competition sake of France draw wit di Netherlands on Friday.
Group E - Everybody hia get four points
Group E see all four sides finish on four points for di first time for di history of di Euros.
Romania top di group to reach di knockout stages of a major tournament for di first time since Euro 2000.
Belgium, wey surprisingly lose dia opening match to Slovakia play draw wit Ukraine for dia di final group match, dem finish second and dem go play France for di last 16.
Slovakia progress as one on di best third-placed finishers, while Ukraine - despite finishing wit more points dan some of di teams wey reach di knockout stage from oda groups – chop elimination afta dem carry last for dia group.
Group F - Portugal qualify as group winners
Portugal qualify for di last 16 as group winners.
Turkey beat di Czech Republic 2-1 for dia final group game to progress for second position.
Georgia break record as dem reach dia first major tournament knockout stage wit victory ova Portugal as dem qualify as one of di best third-placed teams.
Di Czech Republic chop elimination afta dem finish bottom of di group wit just one point.
How about di third placed teams?
How dem split two teams wey finish level on points
- Head-to-head results between team or teams
- Head-to-head goal difference
- Head-to-head goals scored
- Overall goal difference
- Overall goals scored
- Lowest disciplinary points total (red card = 3 points, yellow card = 1 point, two yellow cards in one match = 3 points)
- Ranking for qualifiers